1475
In nomine domini Amen. Anno a nativitate eiusdem millesimo quadringentesimo septuagesimo quinto indictione septima die vero solis vicesima nona mensis octobris pontificatus sanctissimi in Christo patris et domini nostri domini Sixti divina providencia pape quarti Anno eius quarto in mei notarii publici subscripti et testium infrascriptorum ad hoc vocatorum specialiter et rogatorum praesentia personaliter constitutus honorabilis et discre tus vir magister Hermannus Elderwolt curatus ecciesie beate Marie virginis ter Ae in Groningen Traiectensis dyocesis habens et tenens in suis manibus quasdam praesentes litteras teutonicales in pergamneo scriptas sigillatas sigillo maiori civitatis Groningensis quarum una fuit transfixa per aliam Quas etiam vidi sanas inte gras et illesas ac omni prorsus vicio et suspicione carentes ut prima facie apparuerunt quas videns in medium produxit et asseruit se et suis sacerdo tibus nec non magistris fabrice ecciesie supradicte dictis .... diversis causis et locis necessaria habere ...... tram timetur easdem litteras posse cas .... aut alias lacerari ut sibi et dictis sacerdotibus et magistris fabrice .... posset periculum verisimil ...... Qua propter idem magister Hermannus prefatus in notarium publicum infrascriptum qua ...... fatam transsumerem et in formam publicam redigerem ...... desuper sibi cons .... debita cum instantia requisivi .... Cum ego notarius publicus infrascriptus requisicioni annuens litteras pretactas de manibus predicti magistri Hermanni recepi Et ab ...... sanas integras illesas et omni vicio et suspicione carentis repperi. Idecirco hoc prae sens publicum instrumentum manu mea propria fideliter transscriptum exinde confeci et in hanc publicam formam redegi. Cuius ..... tenor litterarum sequitur de verbo ad verbum et est talis: .... Acta sunt hec Groningen ....virginis ter Ae Trai ectensis dyocesis Sub anno indictione mensis die et pontificatus quibus supra. Praesentibus ibidem honestis et discretis viris domino Henrico aeskop. Magistro Petro Kloek. domino Bartoldo ....tinck sacerdotibus Traiectensis dyocesis testibus fidedignis ad praemissa vocatis specia liter et rogatis. Et ego Gharbrandus filius Nicolai ...Traiectensis dyocesis ....sacra imperiali auctoritate notarius ..... quia aliis et singulis ....agerentur et fierent una cum .... vidi et audivi. Ideoque hoc praesens publicum instrumentum manu mea propria scriptum Exinde confeci .... publicam Et in hanc publicam formam redegi. Signoque et nomine nostris colitis et consuetis sign .... situs in fidem et testimonium omnium et singulorum praemissorum.

1490
Inden name godes amen. Wy Hermen Lewe ende Evert Lewe ghebroders bekennen ende betugen samntlyken myt dessen openen breve voer ons ende onsen arffgenamen dat wy myt vryen wyllen ende wal beradenen moede same ntlyken ende eendrachtlyken synnen gekomen ende hebben vrentelyken ende leff lyken ene scheydynghe gemackt van alle de guederen de onse salyghe vader ende moeder naghelaten ende up ons gearvet hebben als hyr na bescreven is Inden ersten soe sal Hermen voerscr. hebben ende beholden arfflyken ende ewelyken voer ene scheydynghe syns salygen vaders ende moeders nhagelatene guederen dat huyss ende hoefstede achter ende voer myt alle synen tho behoer soe alse dat gelegen is up de noerder zydt ynde Bruggestrate daer Herman voerscr. nu ter tyt inne woent ende brukende is myt den halven hove achter onser twyer huys In orkunde der waerheyt soe hebben wy Hermen ende Evert gebroders vorscr. onse zegele an dessen breff gehangen ende omme mere vesteny sse soe hebben wy Hermen ende Evert vorscr. gebeden den Ersamen heer mester Peter Kloek provijsoer tho den hyllyghen geest dessen breff mede voer ons ende over ons tho bezegelen des hebbe ick Petrus vorscr. myn zegel mede an dessen breff gehangen omme deer vorscr. broderen bede wyllen gegeven inden jaere ons heren dusent veerhondert ende tnegentich up zandtganghe dach mede is vorwarden dat Evert vorscr. sal heb ben de helfte van tyen grasen landes by den Sommer wech over den steentyl en toegande up de noerder sydt van Damsterwech daer Alyt Lewens myt oeren kynderen de ander helffte van tho behoert.

1490
Ick Johan Cloeck bekenne ende betughe myt dessen openen breve dat ick hebbe vercofft ende overghegheven vor my ende vor myne erffgenamen Herarent prior inder tijt verwaerer des conventes van Termonte myt den hoeffstede ende holt up den lande staene ende vort int sueden ande landscheydingen vijff acker landes ligghende op de lande daer dat cloester vorscreven is ghelandet op de oester zijt ende ys treckende myt den norderende an den wech vor ene summe van ghelde de my vul ende al ende wal betaelt ys de leste penninck myt den eersten vry quyt ewelicken arffliken to bruken to besitten sunder al arghelist. In een tuech der waerheit so heb ick Johan vorscreven want ick selven gheen zeghel en brueke Benne Wyema ghebeden vor my dessen breeff to besegelen. Ende ick Benne vorscreven omme bede willen Johans vorscreven hebbe myn zeghel beneden an dessen breeff gehanghen. Int jaer ons heren dusent veerhundert ende neghentich des donderdaghes na paesachte daghen. Item, tughe des breves her Claus curetus in Marum ende Focke Frouds.

21 februari 1492
Wij Petrus Cloeck arcium magister in der tijt provisoer des convents ten Hilligen Geeste in Groningen Helprick Hilboldinge Hermen Sachtelevent ende Eelt Tammens voegeden des vorsc. convents bekennen ende betugen mit dessen openen brieve dat wij vor ons ende onsen nacomelingen hebn opgedragen ende overgegeven in een wissel ende coep dragen op ende geven over den eersamen heren meister Marsilius abd toe Selwert ende den convente van Selwert tot behoef des convents eene venne landes gelegen in den kerspel van Dorquart daer dat convents van Selwerts land naest bij licht ter Swette an die zuder zijd ende an die wester zijd ende gruntzijls waer bij langes geet an die noerder zijd vrij ende quijt erfliken ende eeweliken toe bruken ende toe besitten ende oren vrijen willen daer mede toe doen ende vrij toe waren vor alle ansprake. Hyr en teghen heb wij weder ontfangen in een wissel ende coep vanden abd ende convente vorg. een venne landes gelegen achter sunte Walburch bij der stad Groningen daer Coert Coenredes land naest bij licht ter Swette op die oester zijd ende Wymke Heynge land an der noerder zijd vrij ende quijt erfliken toe waren vor alle ansprake sonder argelist. In orconde hebn wy Petrus provisoer ende voechden vorsc. des vorsc convents zegel an dessen brief gehangen. Ende om die mere vestnisse willen hebn wij Petrus provisoer ende voegeden vorg. gebeden den eersamen borgemesteren ende raed dessen brief mede toe bezegelen. Dat wij borgemesteren ende raed vorg. om bede wille meister Peters ende voechden vorg. geerne gedaen hebben ende onser stad zegel mede an dessen brief gehangen. Gegeven in den jaer ons heren dusent vierhondert ende twie entnegentich op sunte Peters avent ad cathedram doe Garmet Allema, Hermen Potter, Henrick Reborch ende Hermen Leeu borgemestere weren onser stad.

24 januari 1492
Wy Borgermeistere ende Raedt in Gronyngen betugen mit dessen openen breve dat voir ons is gekomen Johan Cloeck ende bekande voer em ende sinen erffgenamen Dat he hevet verkofft opgedragen ende overgegeven Katrene Lunschens ende oren erffgenamen de negen arnemsen gulden myn een oert Erfflicker renten daer de breven van spreken daer desse brieff is oergetogen vry ende quyt erffliken ende ewliken in allen manieren to boren to bruken ende to besitten alse de selve breven daer aff inholden ende uutwisen voer ene summe geldes de Johan vorscr. bekande dat em vul ende al is betaelt sonder argelist. Dat Oerkonde wy mit onser Stadt Segell Ghegeven inden jaer ons heren dusent vierhondert ende Tweendetnegentich op sunte Pouwels avent Conversionis Doe Garmet Allema, Herman Potter, Henrick Reborch ende Herman Lewe Borgermeistere waeren onser Stadt.

27 juli 1504
Wy Wihelmus Ffrederici ende Everhardus Jarges Doctoers ende pastoers van Sinte Merten ende Sinte Walborghe kerken in Groningen bekennen ende doen kond mit dessen openen breve dat wy also executoren tot saligen Meister Peter Cloecks testament wandages provisor ten Hilligen Geeste bynnen Groningen gewest in achtervolch syn testament hebben upgedragen ende overgegeven, dragen up ende geven over vermyts dessen breve de preesters toe sunte Merten de gremio de helffte ende de preesters de gremio vander Ae in Groningen de andere helffte van de echte grase landes daer de breeff van spreket daer desse breeff doer getogen is, erffliken, vry ende quyt in allen maneren to bruken ende to besitten als de selve breeff daer aff inholt ende uutwiset so als salige Meister Peter vorg. de preesters vors. voer een ewich testament besproken ende gegeven hevet doer voer solen de preesters vors. Tot ewigen dagen van begaen desse nabescreven memo rien inder octaven van Sinte Peter ende Pawel te weten de preesters toe sinte Merten, meister Peter Cloock vorg. Mellys syn grote vader ende Yeye syn grote moder ende all sine waldaders. Item de preesters ter Ae meyster Peter vors. Hinrick Melijs, Ave Melijs, Johan Cloeck ende Styne Cloeck elk myt enen cleynen pond wasses ende dat ander voer hoer penningen delen na gewoente der vors. Kerken ende truweliken voer de sieben to bidden sunder arghelist. In orkonde heben wy Wilhelmus ende Everhardus pastoeren vorg. onse segele beneden an dessen breeff ghehangen. Ghegeven inden jaere ons heren dusent vyffhundert ende veer des saterdages na sunte Jacob apostell.

1506
Int jaar ons Heren dusent vyff hondert ende sesse up enen vrydach dee verde dach van September Doe wardeghe her Sicke Hovinghe priester des stichtes van Utricht heft des nabeschreven guederen gheordeniert tho stichten Een eweghe vicerye yn vrou Minolts Capelle op dat altar onser liever vrouwen staende yn die vorghenamde capella beholden den ordinario dat ie den bisschop dee corfirmatie unde mortiesiuringhe der selffden ghuederen. Dat huis dar hie nu in wont achtyn arens gulden iaerlicke Renten uth Clynghen huis Ende kameren by der drae kercke na ynholdenghe der breven viftyn Arens gulden ende 1111 stuvers ut Johan Cloecks huis in Osterstrate een vyrendel botter des yaers tho Emetyl uth Watthen erve aan Schutte Swarte toreves yaerlicks uth synven gheleghen op het swarte ven Dar tho h.alen soeven Arens gulden uth Hindrick Trinck velte huis in die Botteringhe strate tho grollo in Roldel Kaspel achte mudde Rogghen over Luken Hyllebrans Arve over Johan Hovighe erve 1111 mudde Rogghen over Reyncke Willinghe 1111 mudde roggen na utwisenghe der breven tvintich Arens gulden iarlickx die yck ghekoft hebbe van Rode Elze na ore doet na ynholdighe Der breven 1111 Missen toe wekenn die Erste vann die Hilighe Drevuldicheit die ander vor dee doden die darde van onsen lieve vrou na syn doet sal presentieren dee alder nastevant blot met Johan Mepsche olste soene ende dar tho ghanomen Ever Konders oldeste soene Enen van des findatoers blot die voerghan sal is he bequeme dar tho yn teghenwordicheit der tughen alst original inneholt.

23 augustus 1508
Wy Wilhelmus Ffrederici, Everhardus Jarghes ende Theso Hueginghe van sunte Merven ende van onser Liever Vrouwen ter Ae kerke in Groningen pastoeren ende doctoren, bekennen ende betugen mit dessen openen breve voer ons ende onse nakomelingehen ende van weghen der ghemenen preesters van beiden kerken dat wy mit malkanderen guetliken ende eendrachtelikken een erffscheidinghe ghemaket heben van so dane land hyr nabe schreven als salighe Meseter Peter Kloeck provisor ten Hillighen Gheeste ghewest ende salighe Lleeffke Katers ons preesters van beide kerken vorg toe samen voer een ewich testament besproken ende gegeven heben. Inden eersten solen de preesters van sunte Mertens kerks tot ewighen daghen alleen holden ende bruken sodane echte grasen landes buten der Ae poerten gelegen als Leeffke Katres ons preesters van beide kerken gegeven hevet daer Otto Hansouwe naest by ghelandet is up de norder syd ende Claes Hueginghe up de sueder syd. Hyr en teghens solen de preesters van der Ae tot ewigen dagen alleen holden ende bruken sodane achte grase landes buten der Ae poorten gheleghen als zalighe mester Peter Cloeck ons preesters van beiden kerken gegeven hevet daar Bartolt salige Botten zoen up der gheest naest by ghelandet is up do noorder syd ende Jacob Hilbrants up de sueder syd mit vorwerden dat de preester toe Sinte Merten solen holden ende begaen tot ewighen daghen sodane memo rien naemptlike Sweder Kather ende Leeffke syn huesfrouwe. Item de preesters ter Ae solen oeck holden ende beghaen Sweder Kather ende Leeffke syn huesfrouwe so als Leeffke Katers dat begheert hefft. Item de preesters to Sunte Merten solen oeck holden ende beghaen tot ewighen daghen sodane memorien naemptlike mester Peter Cloeck Melys syn olde vader, Yeye syn olde moder ende syn waldaders. Item do preesters van der Ae solen oeck holden ende beghaen Mester Peter Cloeck, Henrick Melys, Johan Cloeck, Styne Kloecks, Ave syn moder so als salighe Mester Peter Cloeck dat begheert hevet. Elk mit een cleyn pond wasses na ghewoente der vors. kerken, sunder argelist. Dat orkonde wy pastoeren vors. voer ons ende onse nakomelinghen ende van weghen ons ghemenen preesteren van beide kerken ende doer oer begheerten mit onse seghelen beneden an desse breeff ghehangen. Ghegeven inder jaere ons heren dusent vyffhundert ende achte in vigili Vigilia Bartolomeus apostoli.

3 juli 1566
Wij Roleff Battijnck to Weerdijnghe unde Harten ghebroders Wijllem Nijenbattijnghe ende Gesensoens. Bekennen unde betuijgen in ende voermijdts dessen oepenen bezegelden coep breve, voer uns unde unsen erffgenamen dat wij myt vrijen upsathen moetwijllen hebben vercofft ende velcopen (sic) stedes vastes erffcopes ewelijck ende erflijcken dem Ersamen unde voersijchtijgen geestlijcken heren broder Gerardo Hardenberch priori unde ghemenen conventualenn tho Apell orden des hijllijghen crucis unde allen hoeren naecoemlijngen Een vrij verendeell warlts onbekummert in gants Weerdijngher marcke, soe lanck ende breth als sijck Weerdijnger marcke ijs strekendt mede to heijde tho weijde to torff ende vene etc. Voert in allen ghelijck men een vrij onbekummert grundt drijfft hoert tghebruijcken buyten bescheijdz tholt datter nutertijdt up steyt mijt allen gheneeth ende prophijth datter offcomen mach dat holden wij Rolleff ende Harten vorscr. an uns dijt woe vorscr. voer eene summa geldes die uns Roleff Battynck ende Martenn vorscr. vul ende wal den lesten pennijnck mijtten eersten betaelt is unde bedancken priori ende convent vorscr. guijder betalijnghe unde hebben hem den stock daer voert van ghelacht voer Erffbuijren to Weerdijnghe als Henrick Cloeck to Noertbarghe unde Johan Olden Hemijnghe tho Weerdijnghe beijde buijr bijnnen Weerdijnghe, als wijmijt rechte doen solden, Unde hebben daermede vertijchtnijsse des eghendoems gedaen den wij daer an gehadt hebben mijt allerbesten dijchsten formen als dese een castuijm is in Drenthe daer mijt ghenen rechte wedder up tspreken. Voert soe loven wij Roleff ende Harten vorscr. hijermede voer uns ende unsen erffgenamen ende woer alle de ghene de daer mijt ewijgen rechte up geestlijck ende wertlijck up spreken moeghen, van wat stathe offte conditien se oeck bijnnen den Ersamen gestlichen heren priori ende Convent vorscr. unde hoeren naecomelijngen guijde stede vrije waerscap van dyt vorscr. nije werendeel werlts in gants heele Weerdijnger marcke, tdone uuth alle unse guyderen replyck of onreplick tlber ende erffachtijch, huys hoff als dat wy nu hebben off noch naemaels krijghen moeghen gelegen bijnnen offte buyten landes gaer nijet uuthbescheijden daer prior ende convent offte hoer naecoemelynge vorscr. alle hijnder ende schade metten gestlycken ende wertlijcken rechte welck hem beliefft uuth mogen verhaelen die hem inder waer schap mochte gescheen soe dijck ende vaeken des priori ende conventui off hoeren naecoemlingen van noden is etc. Noch is hijer in bescheyden ende mede beliefft offt geboerde datter bij Weerdijnger dijck bijden darpe scheijdijnge koemaden off ander to slach muchte gescheen off geslagen muchten worden de den convente niet geleghen muchten tghebruijcken off convent verscr. nijcht en geleeffde tgebruycten soe sollen wij Roleff ende Harten verscr. off unse erffgenamen altoes de naesten daer to sijn thuyren ende Oeck te copen so het veijle worde sunder enijch arch ende lijst Oerkunde der waerheit alles verscr. dat wy Roleff Battijnck ende Marten verscr. dijt verscr. vaste wijllen holden ende geholdet wijllen hebben so hebben wij gebeden den Ersamen ende frommen Wijllem Nijenhuys to Valte dessen breff voer uns ende unsen Erffgenamen tbezegelen Dat welck ick Wijllem Nijenhus verscr. omme bede willen Roleffs ende Martens verscr. geerne hebbe gedaen hangende mijn egen angearffde zegel wytlijcken benden an dessen brieff inden jare uns heren dusent vijffhundert ende sessentsestijch des anderden dages nae unser leven vrouwen visitationis.